Чăваш чĕлхи эрнинче, ака уйăхĕн 21-мĕшĕнче, Патăрьелĕнчи 1-мĕш вăтам шкулта 4в класра Юхма Мишшие халалласа урок иртрĕ. Нумаях пулмасть хисеплĕ Юхма Мишши 80 çул тултарчĕ. Ачасем çыравçăн ĕçĕ-хĕлĕ пирки пĕлчĕç. Юхма Мишши ытти çыравçăсенчен уйрăлса тăнине туйрĕç тваттăмĕш классем. Пирĕн ентеш чăвашлăх шăпи пирки, чăвашсен телейĕ пирки нумай хайлавсем кун кĕртнине ăнланчĕç.

 Библиотекăра  Юхма Мишшине халалласа йĕркеленĕ выстăвкăра  унăн произведенийĕсемпе, хайлавĕсемпе паллашрĕç. Кун курнă сăввисене янратрĕç.  Чăваш чĕлхи вĕрентекенĕпе Каллина Ольга Алексеевнăпа пуçватмăшсем, синквейнсем хатĕрлерĕç.Урок тухăçлă та интереслĕ иртрĕ.

Чăваш чĕлхи вĕрентекенĕ Каллина Ольга Алексеевна.