Авалтан эпир юратнă

Пархатарлă Атăла,

Ун шывне нумай хумхатнă

Тăвалла - анаталла.

Пурăнах эс ĕмĕр сывă

Халăхсен кил-йышĕнче,

Савнă çĕр, Чăваш çĕр- шывĕ,

Аслă Атăл хĕрринче.

(П.П.Хусанкай)

          Кашни халăхăн хăйĕн символĕсем пур: гимн, ялав тата герб. Тăван патшалăх символĕсене хисеплесси-кашни çын тивĕçĕ. Çавна май Патăрьелĕнчи  1-мĕш  вăтам шкулти 5 класс вĕренекенĕсем чăваш чĕлхи эрнинче Чăваш Республикин патшалăх символĕсемпе тĕплĕн паллашрĕç.  Чăваш  Республикин ялавĕ, гербĕ мĕнле пайсенчен тăни ачасемшĕн питĕ кăсăклă пулчĕ. Вĕсен авторĕн - Э.М. Юрьевăн кун –çулне тишкерчĕç. Пирĕн Тăван çĕр- шывăн Патшалăх гимнĕ тесе " Тăван çĕр- шыв " юрра çирĕплетнĕ. Унăн авторĕсем  - Герман Лебедев композитор тата ИллеТукташ  поэт. Ачасем гимн сăмахĕсене пăхмасăр вĕренчĕç. 

           Хамăр пурăнакан çĕр- шыва эпир Тăван çĕр- шыв тетпĕр. Хамăр тăван çĕр-шыва эпир Чăваш Ен тетпĕр.  9-мĕш класс  вĕренекенĕсем палăртнă темăпа викторина ыйтăвĕсем çине хуравларĕç. Çиччĕмĕш классем Иван Яковлевич Яковлев çырнă ǎса вĕрентекен калавĕсене хаваспах вуларĕç, тишкерчĕç, пĕтĕмлетÿсем турĕç.

                                                                                          Федорова В. Ф