Чăвашсене çутта кăларакана И.Я.Яковлева халалласа районти вулавăшра мероприяти иртрĕ. Унта Патăрьелĕнчи пĕрремĕш шкулта  10- мĕш «а» класра вĕренекен ачасем хутшăнчĕç. Районти библиотекăра патриархăн кĕнекисен выставкине йĕркеленĕ. Вăл питĕ пуян. Юлашки çулсенче тухнă çĕнĕ кĕнекесем те аванах.

Малтан ачсене вулавăшра ĕçлекенсем И.Я.Яковлевăн пурнăçĕпе тата ĕçĕ-хĕлĕпе паллаштарчĕç.Унтан писатель,чăваш халăхне çутта кăлараканĕ çинчен интереслĕ кинофильм кăтартрĕç. Кинофильмра аслă вĕрентекенĕмĕр çинчен тĕрлĕ енлĕ пултарулăхне  курса паллашрăмăр.

               Кайран вара «Чăваш халăхне панă халалне» мĕнле çырнине Геннадий Терентьев артист каласа панине итлерĕмĕр.Ачасем кăçал И.Я.Яковлевăн кун-çулне уроксенче те вĕреннĕччĕ-ха.Апла пулин те кунта вара нумай хушма материал пулчĕ . Шкул ачисем тата тĕплĕнрех хамăр аслă вĕрентекенĕмĕр çинчен пĕлчĕç.