Патăрьелĕнчи  пĕтĕмĕшле пĕлÿ паракан 1-мĕш вăтам шкулта чăваш чĕлхипе литература эрни хĕрсех пырать. Чăваш чĕлхи эрнине И.Я.Яковлева халалларĕç. Ку эрнере ачасем Аслă вĕрентекен пурнăçĕпе пултарулăхĕ çинчен калаçрĕç. Просветитель çырнă ача-пăча калавĕсемпе чăваш халăхне панă халала вуларĕç, кĕске биографийĕпе паллашрĕç. Чи кирли вара - Раççейри ырă ĕçсем тăвакан çулталăкпа çыхăнтарса чăваш халăхне çутта кăларакан И.Я.Яковлев тунă ырă ĕçĕсене палăртрĕç. Чăваш чĕлхи эрнине пĕтĕмлетсе  вĕрентекенсем 5-11-мĕш классем хушшинче викторина ирттерчĕç, ачасем Иван Яковлевич Яковлев пурнăçĕпе пултарулăхне  мĕнле шайра пĕлнине тĕрĕслерĕç. Ыйтусем çине тарăн хурав пама тăрăшрĕç вĕсем. Викторинăра чи хастаррисем çаксем пулчĕç: 6б – Муллина Юлия, Верёвкина Юлия, Попова Анастасия; 7а – Краснова Елена, Иракина Анастасия, Ахмеева Юлия, Зиятдинова Лилия; 7б – Сафьянова Жанна, Николаева Валерия, Макарова Юлия;   8в – Думилина Ульяна, Рогина Анастасия, Логунов Максим; 8г – Галкин Мефодий, Петрова Екатерина, Мальцева Юлия; 8а  – Крылов Игорь, Никитин Максим, 8б – Каллин Егор, Мефодьева Дарья, Краснов Дмитрий; 9а – Ильичёва Екатерина, Матвеева Анастасия, Илехметова Мария. Вĕрентекенĕсем – Солдатова С.А., Путякова Н.А., Каллина О.А.. Малашне те ачасене тĕрлĕ мероприятисене хастар хутшăнасса шанас килет.

Чăваш чĕлхипе литератури вĕрентекенĕсем  Путякова Н.А. тата Солдатова С.А.