Мĕн-ши вăл Тăван çĕр-шыв?

Аякра-ши, çывăх-ши?

Аякра та, çывăх та,

Каласа парам, тăхта.

П.Хусанкай

Чăнах та, мĕн-ши вăл Тăван çĕр-шыв? Тăван çĕр-шыв вăл – атте-анне, çуралса ÿснĕ тăван кил, савнă ял, ялти мĕн пур путăк-вар, çырма-çатра, улăх-çаран, вăрмансем, юхан шывсем, тăван чĕлхе. Патăрьел районĕ, Юхма ен – пирĕншĕн Тăван çĕр-шыв шутланать.

Авăн уйăхĕн 5-мĕшĕ – Патăрьел районĕн «çуралнă кунĕ». Кăçал вăл 94 çул тултарчĕ. Кашни шкултах ачасем тĕрлĕ мероприятисене хутшăнчĕç. Патăрьелĕн 1-мĕш шкулĕнче 8б класра вĕренекенсем те аякра юлмарĕç. Авăнăн 6-мĕшĕнче класс сехетĕнче вĕсенм тăван район историйĕпе паллашрĕç, пĕр-пĕрне районти паллă вырăнсемпе çыннисем çинчен каласа пачĕç. Тăван çĕр-шыв пурнăçра аттепе анне пекех чи хакли пулнине палăртрĕç, Хамăр Патăрьел районĕпе, чăнах та, мухтанмалли, мăнаçланмалли сахал марри çинчен каласа хăварчĕç. Район аталанăвĕ, çĕр-шыв пуласлăхĕ вĕсен аллинче пулнине пĕлтерчĕç.

Ачасем тăван района чунтан юратни палăрчĕ. Вĕсем ÿссе çитсе Тăван çĕр-шыва юрăхлă çынсем пуласса шансах тăратăп.

Путякова Н.А., класс ертÿçи