Нарăс уйăхĕн 21-мĕшĕ - Пĕтĕм тĕнчери тăван чĕлхе кунĕ. Çак куна 1999 ҫулхи чӳк уйӑхӗнче ЮНЕСКОн Генеральнӑй конференцийӗн 30-мӗш сессийӗнче палӑртма йышӑннӑ, чӗлхесен тата культурӑсен пуянлӑхне упраса хӑварас тата аталантарас тĕллевпе 2000-мĕш ҫултан уявлаҫҫĕ. Тӑван чӗлхе кунне нарӑсӑн 21-мӗшӗнче палӑртни 1952 ҫулта Бангладеш тӗп хулинче тӑван чӗлхене хӳтӗлеме, хӑйсен чӗлхине ҫӗр-шывӑн патшалӑх чӗлхисенчен пӗри тесе йышӑнма ыйтса демонстрацие тухнӑ студентсене полицейскисем персе вӗлернине асра тытнипе ҫыхӑннӑ.

Патăрьелĕнчи 1-мĕш вăтам шкулта та паян тăван (чăваш) чĕлхене халалласа уроксем, класс тулашĕнчи сехетсем иртрĕç. Ачасем сăвă, калав, сочинени çырас ăсталăха туптарĕç. Ăмăртусенче тĕрлĕ ĕçсем (кроссворд, ÿкерчĕк, ребус, хаçат, лэпбук, буклет) пурнăçласа хăйсен пултарулăхне кăтартрĕç, вĕрентекенсем сĕнекен викторина ыйтăвĕсем çине хуравларĕç. Акă калăпăр 8а класра вĕренекенсем «Ваттисен сăмахĕсен тĕнчи» ятлă класс тулашĕнчи ĕçе хутшăнчĕç. ваттисем вĕрентсе каланă сăмахсене тишкерчĕç.

Ачасем активлă пулни вĕрентекенсене хавхалантарчĕ. Чĕлхе пуласлăхĕ ачасемшĕн те, вĕрентекенсемшĕн те пысăк пĕлтерĕшлĕ пулнине палăртрĕç.

Путякова Н.А., чăваш чĕлхипе литературине вĕрентекен