Патăрьелĕнчи пĕтĕмĕшле пĕлӳ паракан вăтам шкулти чăваш чĕлхипе литературине вĕрентекен Федорова В.Ф.  5-мĕш «в»  класс ачисемпе сурхури  уявне халалланă урок ирттерчĕ.

Сурхури (святки) — чӑвашсен мĕн авалтан килекен йăли-йĕркисенчен пӗри. Ӑна кун таврӑннӑ вӑхӑтра уявлаҫҫӗ. Вӑл христиан тӗнӗнчи  Раштавпа пӗр вӑхӑта килет, Кӑшарниччен (до Крещения) тӑсӑлать.

Кашни килтех ачасене амăшĕсем тутлă йăвача  (колобок) пĕçерсе çитернĕ, тус-юлташĕсене хăналанă.

Урокра вĕрентекен йăла-йĕрке çинчен тĕплĕн каласа пачĕ, сурхури юррисемпе паллаштарчĕ.

Сурхури! Сурхури!

Çитрĕ кĕтнĕ сурхури!

Сурхури çитнĕ, куртăр-и?

Хирĕç тухса илтĕр-и?

Хапха уçса хутăр-и?

Ачасем асламăшĕсемпе аслашшĕсем ĕлĕк мĕнлерех юмăç янисем çинчен те хаваслансах итлерĕç,  савăнчĕç,  кулчĕç.

Ӗлĕкрен пыракан йăла-йĕркесене пирĕн те тытса пырасчĕ.

                                                                                   Федорова В.Ф.