Нарăс уйăхĕн 26-мĕшĕнче И.Н. Улянов ячĕллĕ Чăваш патшалăх университетĕнче чăваш чĕлхипе литератури предмечĕсен регион шайĕнчи шкул ачисен олимпиади иртрĕ. Олимпиадăна республика тулашĕнчи хастар чăваш ачисем те хутшăнчĕç. Патăрьелĕнчи 1-мĕш вăтамта вĕренекен Мальцева Юльăпа (9г класс) Ижедерова Дарья (10а класс), районти олимпиада çĕнтерÿçисем, хăйсен пултарулăхне кăтартма тивĕçрĕç. Ачасен тавра курăмне, вĕренÿ программине мĕнле шайра пĕлнине тĕрĕслес тесе кăткăк ыйтусем хатĕрленĕ чăваш ăсчахĕсем. Учебникри материала тĕрĕс ăнланнине палăртма, ачасен пĕлĕвне хаклама тĕрлĕ ыйту хатĕрленĕ.  Çивĕч тупăшура Мальцева Ю. призёрсен шутне кĕме пултарчĕ. Ижедерова Д. вара 28 ача хушшинче 9-мĕш вырăн çĕнсе илме пултарчĕ.

Вĕренекенсемпе вĕрентекенсене малалла та ăнăçу пултăр. Мальцева Юльăна шкул чысне, район чысне пĕтĕм тĕнче олипиадинче хÿтĕлеме, пысăк результат кăтартма сунатпăр.

Путякова Н.А. тата Солдатова С.А.