Геннадий Никандрович Волков 1927 çулхи юпа уйăхĕн 31-мĕшĕнче Аслă Елчĕк ялĕнче çуралнă. Малтан Аслă Елчĕкри шкулта, кайран И.Я. Яковлев ячĕллĕ Чăваш педагогика институтĕнче физика-математика уйрăмĕнче вĕреннĕ. Унăн ачалăх кунĕсем вăрçă вăхăтне лекнĕ.

«Г.Н. Волков тăван халăхăн сăмахлăх палăкĕсене, историпе этнографи докуменчĕсене нумай тĕпченĕ. Педагогика культурине аталантарас ĕçе халăх хастар хутшăннине вăл тĕслĕхсемпе усă курса ĕнентерÿллĕ кăтартса панă»,- тенĕ В.А. Сухомлинский, паллă педагог, академик.

Г.Н. Волков пултарулăх çул-йĕрне тĕпченĕ май 9 класра конференци ирттертĕмĕр. Ю. Муллина Г.Н. Волков çинчен ытти паллă çынсем мĕн каланипе паллаштарчĕ. Ю. Веревкина унăн «Ылтăн çĕр» произведенири  чăваш халăхĕн ĕçченлĕхĕ, çепĕçлĕхĕ, сăпайлăхĕ çинчен каласа пачĕ, Д. Медведев презентацисем кăтартрĕ. Ачасене Г.Н. Волков çинчен  пĕлме  кăсăклă пулчĕ.

Чăваш чĕлхипе литературине вĕрентекенĕ Солдатова С.А.