2021 çулхи çу уйăхĕн 20-мĕшĕнче Чăваш Республикин тĕп хулинче шкул ачисемпе студентсем хушшинче чăваш чĕлхипе тата литературипе пĕтĕм тĕнче олимпиади иртрĕ. «Чăваш чĕлхи – тăван чĕлхе» ятпа иртекен олимпиада  И.Н. Ульянов ячĕллĕ Чăваш патшалăх университетĕнче пулчĕ. Ăмăртăва Чăваш тата Тутар Республикисенчи, Чĕмпĕр облаçĕнчи шкулсенче 9-11 классенче вĕренекен 41 ача хутшăнчĕ. Вĕсем пурте 2020 тата 2021 çулсенче регион шайĕнчи чăваш чĕлхипе литератури олимпиадин çĕнтерÿçисем. Хĕрÿ тупăшура Патăрьелĕн 1-мĕш вăтам шкулĕнче вĕренекен Мальцева Ю. (11 класс вĕренекенĕ) тата Муллина Ю. (9 класс вĕренекенĕ)   пĕтĕм тĕнче олимпиадин призёрĕ ята тивĕçрĕç. Вĕсем вырăс чĕлхиллĕ шкулта чăваш чĕлхипе литературине вĕренекен ачасен хушшинче чи маттуррисен шутĕнче пулчĕç.

Мальцева Юльăпа Муллина Юльăна, вĕсене вĕрентекен Путякова Н.А, Солдатова С.А саламлатпăр, малалла та пысăк çитĕнÿсем тума сунатпăр.

Путякова Н.А., чăваш чĕлхипе литературине вĕрентекен