Марина Карягина ячĕпе иртекен районти сӑвӑ конкурсĕ ачасемшĕн ялан кĕтнĕ уяв. Кӑҫал та раштав уйӑхĕн 16-мĕшĕнче Кивĕ Ахпӳртре иртекен конкурса Патӑрьелĕнчи 1-мĕш вӑтам шкулта вĕренекен ачасем хаваспах хутшӑнчĕҫ. Конкурсра 5-9 класс ачисем ӑмӑртрĕҫ. 5-7-мĕш класс ачисем хушшинче пирĕн шкулта 5в класра вĕренекен Плечова Каринӑпа 6г класра вĕренекен Галкин Мефодий II вырӑн йышӑнма пултарчĕҫ, III вырӑна вара 6б класра вĕренекен Паймуков Данил ҫĕнсе илчĕ. Вĕрентекенĕсем Путякова Н.А., Солдатова С.А. тата Сорокина Л.А..

Ачасем ҫамрӑк сӑвӑҫпа тĕл пулма питĕ хавас пулчĕҫ. М.Карягина хӑй вуланӑ сӑвӑсем вĕсене тыткӑнларĕҫ. Конкурсран вĕсем тулли кӑмӑлпа таврӑнчĕҫ.

Ҫамрӑк сӑвӑ вулавҫисене тата вĕрентекенĕсене районта иртекен ытти конкурссенче те ӑнӑҫу сунатпӑр.

Чӑваш чĕлхи вĕрентекенĕсем Путякова Н.А., Солдатова С.А., Александрова О.Н.