Кайăксене хĕлле йывăр –

Юр хупланă таврана.

Вĕсем валли сырăш тăвăр,

Чĕнĕр, кĕтĕр хăнана!

Патăрьелĕнчи  1-мĕш  вăтам  шкулта  2-мĕш «а» класра  вĕренекен  ачасем  урокра  пирĕн патра пурăнакан  кайăксене  сивĕ  хĕл  кунĕсенче йывăр  пулни  çинчен  калаçрĕç.  Чăваш  чĕлхине  вĕрентекен Федорова В.Ф. сырăшсем  тума  сĕнсен  ачасем  хаваспах  килĕшрĕç.

Çак кунсенче вара илемлĕ сырăшсене урама илсе тухса çакрĕç. Унта кĕçĕн юлташсем валли тĕрлĕ  апат - çимĕç  хурса  пачĕç. Лайăх  ĕç тунăшăн пурте хĕпĕртерĕç.

Эсир те, юлташсем,  пирĕн çунатлă туссем  çинчен  манса ан  кайăр, вĕсене пулăшăр!

Федорова В.Ф., чăваш  чĕлхипе  литературине вĕрентекен.