Кашни çулах нарăс уйăхĕн пуçламăшĕнче «Чĕвĕлти чĕкеç» конкурс пулса иртет.  Кăçал ку конкурс нарăс уйăхĕн 8 - 11-мĕш кунĕсенче пулса иртрĕ.  Ку вăйă чĕлхе пĕлĕвĕпе интересленекен ачасен  пултарулăхне уçса пама пулăшать, чĕлхе ăслăлăхĕ патнелле туртăнма хистет.

Конкурса  Патăрьелĕнчи  1-мĕш вăтам шкулти  2 – 8  классенче вĕренекенсенчен 50  яхăн ача хутшăнчĕ. Кăçалхи конкурсăн çĕнĕлĕхĕ - ачасем ыйтусем çине килте те хуравлама пултарчĕç. Уйăрнă 3 кун хушшинче  вăтăр ыйту çине хуравламалла пулчĕ. Вăйăра чăваш чĕлхипе, литературипе, халăх историйĕпе, культурипе, сăмахлахĕпе çыхăннă ыйтусем çине хуравлама çăмăлах пулмарĕ. Конкурса хутшăнса вĕренекенсем хăйсен пĕлĕвне, ăсталăхне, пултарулăхне тĕрĕслерĕç.

Жюри «Чĕвĕлти чĕкеç-2019» конкурсăн пĕтĕмлетĕвне ака уйăхĕнче пĕлтерĕ.

Федорова В. Ф.