Тăван чĕлхе эрнин тухăçлăхĕ – ачасем вĕрентекенсем ирттерекен ĕçсене активлă хутшăнни. Паян та, нарăс уйăхĕн 20-мĕшĕнче, 7г класс ачисем хушшинче викторина-ăмăрту иртрĕ. Вĕренекенсем виçĕ ушкăна пайланса чăваш чĕлхин вăрттăнлăхĕсене шĕкĕлчерĕç. Ăмăрту виçĕ станципе иртрĕ: 1) «Ваттисен сăмахĕсен тĕнчи», 2) «Тупмалли юмахсен тĕнчи», 3) «Фразеологизмсен тĕнчи».

Викторина-ăмăрту ачасем хăйсен ушкăн ячĕпе тата девизĕпе паллаштарнинчен пуçланчĕ. «Пĕçуксем», «Ăмăрт кайăксем» тата «Нарсписем» хĕрÿллĕ ĕçлерĕç, ушкăнпа ваттисен сăмахĕсене вĕçлерĕç, кайран вара чăвашла тупмалли юмахсем парса пĕр-пĕрне тĕлĕнтерчĕç, юлашкинчен вара фразеологизмсен пĕлтерĕшне вырăсла тупса палăртрĕç. Чи маттуррисем ята «Пĕçуксем» çĕнсе илчĕç, вĕсен хуравĕсем ытти ушкăнсенчен тĕрĕсрех те туллирех пулчĕç.

Ачасен активлăхĕ тата вĕсем чăвашла калаçма тăрăшни вĕрентекеншĕн чи пысăк телей. Маттур, ачасем, малалла та активлă пулăр.

Путякова Н.А., чăваш чĕлхипе литератури вĕрентекенĕ