2021 çулхи ака уйăхĕн 12-мĕшĕнче Чăваш Республикин кашни районĕнчех чăваш чĕлхипе литературин черетлĕ олимпиади иртрĕ. Патăрьел районĕнче 7-11 класра вĕренекенсем те муниципал тапхăрĕн олимпиадине хутшăнчĕç, тăван чĕлхепе литературине чи лайăх пĕлнине кăтартас, пуринчен те маттур пулнине çирĕплетес тесе тăрăшрĕç ачасем. Кăçал 9-11 класс ачисем Кивĕ Ахпÿрт шкулĕнче олимпиада ĕçĕсене пурнăçларĕç. 7-8 класра вĕренекенсем вара хăйсен шкулĕсенчех çырса пурнăçларĕç.

Чăваш чĕлхипе литературин район шайĕнчи олимпиадине Патăрьелĕнчи 1-мĕш вăтам шкулта вĕренекенсем те хутшăнчĕç, пурĕ 13 ача. Вĕсенчен 5-шĕ çĕнтерÿçĕпе призёр ятне тивĕçрĕç. Мердина Е., Муллина Ю., Антипова А. тата Емельянова А. районта чи маттуррисем пулчĕç. Самакина В. вара призёрсен йышне кĕчĕ. Ачасен вĕрентекенĕсем - Путякова Н.А., Солдатова С.А. тата Гаврилова А.Н. Çĕнтерÿçĕсене тата вĕрентекенсене саламлатпăр, малалла та хастар пулма сунатпăр!

 Районта çĕнтерекенсем республика шайĕнчи олимпиадăна хутшăнасса шансах тăратпăр, вĕсене ăнăçу сунатпăр!

Путякова Н.А., чăваш чĕлхипе литератури вĕрентекенĕ