2020 çулхи нарăс уйăхĕн 25-мĕшĕнче И.Н. Ульянов ячĕллĕ Чăваш патшалăх университетĕнче  9-11 класс ачисен чăваш чĕлхипе тата литературипе регионти олимпиада иртрĕ. Олимпиадăна пурĕ 156 ача хутшăнчĕ. Ăмăртăва Чăваш, Тутар тата Пушкăрт Республикисенчи, Чĕмпĕр облаçĕнчи шкулсенче 9-11 классенче вĕренекен шкул ачисем те килнĕ. Хастар чăваш ачисем ӑс-хакӑл, пултарулӑх, тавҫӑрулӑх енчен хӑйсен вӑйӗсене виҫрӗҫ.

Патăрьелĕнчи пĕтĕмĕшле пĕлÿ паракан 1-мĕш вăтам шкул чысне  регион шайĕнчи олимпиадăра 10 класра вĕренекен 2 ача хÿтĕлерĕç. Мальцева Ю.  çĕнтерÿçĕ пулчĕ, Силюкова А. вара призĕр ятне тивĕçрĕ. Маттур шкул ачисене  малалла та пысăк çитĕнÿсем тума сунатпăр. Ака уйăхĕнче иртекен пĕтĕм тĕнче олимпиадинче те шкул ятне, район ятне хÿтĕлеме вăй-хăват, тавçăрулăх сунатпăр.

Путякова Н.А., чăваш чĕлхипе литературине вĕрентекен