Тăван чĕлхесĕр чăн – чăн пĕлÿ ҫук.

И.Я.Яковлев.

Ака уйăхĕн 25 – мĕшĕ – чăваш чĕлхи кунĕ. Асамлă чăваш чĕлхи – пире пĕр – пĕринпе хутшăнма май парать. Ку ҫеҫ те мар, вăл ҫавăн пекех пирĕн мăн асаттемĕсен ăс – хакăл пуянлăхĕпе ăсне типтерлĕн сыхласа упракан тата ăрусене ҫыхăнтарса тăракан эткерлĕх те. Чĕлхе çынсене пĕр-пĕринпе хутшăнма питĕ кирлĕ хатĕр пулнине эпир пурте пĕлетпĕр. Çавăнпа кирек камăн та хăйĕн тăван чĕлхине лайăх пĕлмелле, унсăрăн тĕрĕс калаçма та, мĕн калас тенине калаçакан патне тĕрĕс çитерме те май çук.

Патăрьелĕнчи пĕтĕмĕшле пĕлÿ паракан вăтам шкулта чăваш чĕлхи эрни  пырать. Ака уйăхĕн 25-мĕшĕнче планпа килĕшÿллĕн  6 – мĕш  классем  «Чи лайăх куçаруçă» конкурса хутшăнчĕç. Çак конкуса Аслă вăрҫă паттăрĕсене  халалларĕç. Интереслĕ хайлавсем вуларĕҫ.  Ăнланман  сăмахсене ачасем чăвашларан вырăла, вырăсларан чăвашла çăмăллăнах куçарчĕç.

7 –мĕш тата 8 – мĕш класри ачасем «Чăваш чĕлхине лайăх пĕлекен» викторинăра хастар пулчĕç. Викторинăри ыйтусене  И.Я. Яковлева, Г.Айхине,  халалласа йĕркеленĕ. Кăткăс ыйтусен хуравĕсене вĕренекенсем çăмăллăнах тупрĕç.

9 – мĕш классем «Тылри тата хĕрÿ ҫапăҫури хĕр арăмсем» ятлă класс тулашĕнчи урокра паттăрсемпе паллашрĕҫ. Вĕсен вилĕмсĕр ячĕсем тарăн йĕр хăварни ҫинче чарăнса тăчĕҫ. Хастар та паттăр хĕр арăм салтаксем ҫутă пуласлăхшăн хăйсен пурнăҫне пани ҫинчен пĕлчĕҫ.

Ачасем чăваш чĕлхи эрнине хастар хутшăнаççĕ. Кашни кун иртекен мероприятисем çÿллĕ шайра пулни савăнтарать.

Каллина О.А., чăваш чĕлхипе литературине вĕрентекенĕ.