Акă нумай пулмасть Чăваш республикин вĕренÿ институчĕ йĕркеленĕ чăваш чĕлхипе, литературипе тата культурипе интернет олимпиада иртрĕ. Ăна ачасене халăх культурипе, ăс-хакăлпа шухăш-кăмăл пуянлăхĕпе паллаштарас, шкул ачисене чăваш чĕлхипе, литературипе тата культурипе тĕпчев ĕçне явăçтарас тĕллевпе йĕркеленĕ. Çак олимпиадăна Патăрьелĕнчи 1-мĕш вăтам шкулта 5-11 классенче вĕренекенсем те хастар хутшăнчĕç, вĕсенчен нумайăшĕ çĕнтерÿçĕпе призёр ята тивĕçрĕç. Калăпăр, 6-мĕш класра вĕренекен Селиванова Р. тата 7-мĕш класс ачисем Гранатский А., Путякова Ю. интернет олимпиада çĕнтерÿçисем пулса тăчĕç. Лепёшкин М. (6 класс), Аверкина С. (9 класс), Муллина Ю. (11 класс), Путяков А. (11 класс) – призёрсем.

Олимпиадăна хутшăннă пур ачана та тав тăватпăр.  Çĕнтерÿçĕсене призёрсене саламлатпăр, вĕренÿре татах та нумай çитĕнÿсем тума хастарлăх сунатпăр.

Путякова Н.А., чăваш  чĕлхипе  литератури  вĕрентекенĕ