Патăрьелĕнчи пĕтĕмĕшле пĕлÿ паракан 1-мĕш вăтам шкулта «Ăста куçаруçă» ятпа ака уйăхĕн 21 –мĕшĕнче 5-6 классем хушшинче конкурс иртрĕ.

Унти ыйтусенче Çут çанталăк çулне шута илсе çак темăсене хускатнă: хамăр тăрăхри чĕр чунсем, хурт – кăпшанкăсем, пулăсемпе кăмпасем, кайăксемпе йывăçсем, юхан шывсем. Ачасен ĕçĕсенчен уйрăмах чĕр чунсем, йывăçсем, кăмпасем çинчен лайăх пĕлни курăнать. 5 – мĕш классенчен чи маттуррисем: Каллин Антон, Петрова Аня, Рубцова Элина, Маллин Данил, Кошкина Александра, Мирошник Ксюша, Хамидуллов Эмиль тата Мышкина Юлия, 6 – мĕшсем: Плечова Карина, Иванов Игорь, Галкин Данил, Каклимов Тимур, Мефодьев Вадим, Ахмеева Юлия, Юманова Акулина.

Куçару ĕçĕ ачасен çивĕч ăс – тăнне, тĕрĕс шухăшлавне аталантарма пулăшать. Çамрăк куçаруçăсене малалла та ăнăçу сунар.

Бабаева Е.М., Солдатова С.А., Каллина О.А.