Чăваш чĕлхипе литература  эрнинче эрне кун, ака  уйăхĕн  21-мĕшĕнче сăвă  калассипе конкурс иртрĕ. Конкурсра 4–мĕш класран пуçласа 8-мĕш класс вĕренекенĕсем хутшăнчĕç. Вĕсем районти юбилярсем Юхма Мишшипе Раиса Сарпин сăввисене вуларĕç. Итлекенсене уйрăмах кĕçĕн класра вĕренекен Хайруллова Камиллăпа  Мирошник Ксюша (вĕрентекенĕ-Александрова О.Н.) вулани кăмăла кайрĕ. 5-6-мĕш классем хушшинче 5а класри Краснова Елена (вĕрентекенĕ-Бабаева Е.М.) вулани куракансене  тыткăнларĕ.7-8-мĕш классенчен вара Филиппова Женьăпа (вĕрентекенĕ - Путякова Н.А.) Иванова Анастасия (вĕрентекенĕ-Солдатова С.А.) палăрчĕç.

           Раиса Сарпи çырнă  «Хурăнсар» сăвă тăрăх хывнă юрă вара пурне те кăмăла кайрĕ. Шăпчăк пек хитре юрлаканĕсем 8а класра вĕренекенсем Мулендеева Татьяна, Шрша Ризиля тата Тазетдинова Зарема (вĕрентекенĕ – Путякова Н.А.) пулчĕç. Ачасен хастарлăхĕ малашне те çавăн пек пуласса шанатпăр.

Чăваш чĕлхипе литературине вĕрентекенсем Александрова О.Н. тата Бабаева Е.М.