Мĕнпе паллă 2018 çул? Çак ыйту хуравне шырарĕç паян Патăрьлĕнчи пĕтĕмĕшле пĕлÿ паракан вăтам шкулти  9, 10 класс ачисем  В.Ф. Федорова вĕрентекенпе. Чылай паллă пулăмсем палӑраççӗ умра: чăваш халăхĕн паллă ывăлĕ, вĕрентекенсен Вĕрентекенĕ Иван Яковлевич Яковлев çуралнăранпа 170 çул çитет,  Чĕмпĕрти чăваш учителĕсене хатĕрлекен шкула уçнăранпа 150 çул,  А.С. Пушкин Шупашкарта пулса курнăранпа 185 çул пулать,    «Чăваш халапĕсем» («Сказки и предания чуваш») кĕнеке пичетленсе тухнăранпа 115 çул,  К.В. Ивановăн «Нарспи» поэмипе М.Ф. Фёдоровăн «Арçури» поэмисем вулакан умне тухнăранпа 110 çул,  К.В. Иванов ячĕллĕ Чăваш патшалăх академи театрне никĕсленĕренпе 100 çул,   Патёрьел районĕнчи Аслё Арапуçĕнче  çуралнă чăвашсен паллă поэчĕ. Митта Ваçлей çуралнăранпа 110 çул. Мĕн чухлĕ чаплă пулăмсем пирки пĕлчĕç ачасем. Вĕренекенсем  уйрăм  пулăма тĕпчесе тишкерсе килме, презентаци тума палăртрĕç. Çитес уроксенче ачасем хăйсен тишкерӗвӗсемпе, тĕпчев ĕçĕсемпе   ытти  ачисене те паллаштарма кăмăл турĕç.

          Федорова В.Ф., чăваш чĕлхипе литературине вĕрентекен.