Паянхи пурнăҫ шкул умне ҫĕнĕ тĕллевсемпе задачăсем кăларса тăратрĕ. Патăрьелĕнчи пĕрремĕш вăтам шкулти верентÿҫĕсем  ҫакна тĕпе хурса ĕҫлеҫҫĕ. Кашни вĕренекенех кирек хăш пĕтĕмлетÿ те пысăк шыравра пулнине, вăл кашнин пуҫĕнче шăранса калăпланнине ăнлантăр, хăй те шыравпа тĕпчев, ĕҫне явăҫтăр тесе вăй хураҫҫĕ. Кăмăл – сипет енчен те тасалса пуянлантăр тесе тăрăшаҫҫĕ.

8в класра вĕренекенсем чăваш чĕлхи урокĕнче вĕрентӳҫĕпе пĕрле  урок планĕпе килĕшӳллĕн, вĕреннине ҫирĕплетсе  проект ĕҫĕ йĕркелерĕҫ. Проект  темине  «Чăваш халăх йăли – йĕрки» тесе палăртрĕҫ. Хăйсен умне тĕллевсем лартса тĕпчев ĕҫĕнчи тивĕҫсене пурнăҫларĕҫ. Чăваш халăх йăли – йĕркипе паллашрĕҫ. «Улахра» вылянă вăйăсене вылярĕҫ. Ҫамрăксем « ҫĕрĕ валеҫни» вăййа выляса савăнчĕҫ, юррисене юрласа пăхрĕҫ. Ачасене ку питĕ килĕшрĕ.

Урокра проектсемпе пĕлсе усă курни ачасене канма та, вĕсен ăс – тăнне уҫăлтарма та пулăшать, пĕр ĕҫрен тепĕр ĕҫе тӳрех куҫассине те ҫăмăллатать. Урокра йĕркеленĕ ĕҫ илем туйăмне, пуплевне аталантарма пулăшасса шанас килет.

Каллина О.А., чăваш чĕлхипе литературине  вĕрентекенĕ.