2018 çулхи нарăс уйăхĕн 21-мĕшĕнче, поэзине юратакансем вун иккĕмĕш  хут Çĕньялти пĕтĕмĕшле тĕп пĕлÿ паракан шкулта «Айхи вулавĕсем» сăвă конкурсне пухăнчĕç. Кăçал та районти шкулсенчен  конкурса хутшăнакансен йышă пысăк пулни савăнтарчĕ.

Патăрьелĕнчи  пĕтĕмĕшле пĕлÿ паракан пĕрремĕш вăтам шкулта вĕренекенсем те  сăвă конкурсне хастар хутшăнчĕç. Поэзие кăмăллакансем, хăйсен ăсталăхне кăтартса призерсем пулма тивĕç пулчĕç. Чунтан тухакан сăвă йĕркисемпе итлекенсене савăнтарчĕç, тыткăнларĕç.

Малтисен ретĕнче çаксем пулчĕç: виççĕмĕш вырăна 6 - мĕш класра вĕренекен Каргина Дианăпа Каллин Антон (вĕрентÿçи Каллина О.А.) «Çын мĕскершĕн çуралать» сăвва вуласа савăнтарчĕç. 6 – мĕш класра вĕренекен Кошкина Александра (вĕрентÿçи Путякова Н.А.), 8 – мĕш класра вĕренекен Галкин Мефодий (вĕрентÿçи Солдатова С.А.) – иккĕмĕш вырăна çĕнсе илме пултарчĕç. 10 – мĕш класра ăс пухакан Трофимов Павел (вĕрентÿçи Федорова В.Ф.) кăмăлтан вуланине жюри членĕсем палăртса хăварчĕç. Павел та сумлă виççĕмĕшсен ретĕнче пулчĕ. 3- мěш класра ăс пухакан пěчěк чăваш пики Сироткина София (вĕрентÿçи Маркиданова Е.И.) виḉḉěмěшсен хушшинче пулма тивěḉ пулчě.

Ăнăçу тата çитĕнÿ сунатпăр çамрăк поэзи ăстисене.

Каллина О.А.