Патăрьелӗнчи 1-мӗш вăтам шкулта чăваш чӗлхипе литературине вӗрентекенсем нарăс уйăхӗн 16-мӗшӗнче Митта Ваҫлейӗ ячӗпе хисепленсе тăракан Аслă Арапуҫ вăтам шкулӗнче иртекен районти X методика фестивальне хутшăнчӗҫ. Ăна вӗрентекен тата наставник ҫулталăкне халалланă. Мероприятин тӗп тӗллевӗ – чăваш чӗлхине вӗрентекенсен пӗр-пӗрне хăйсен ӗҫ опычӗпе паллаштарасси, ӗҫре ҫӗнӗ технологисемпе усă курасси.
Фестивале Патăрьел районӗн шкулӗсенче вӗрентекен пур чăваш чӗлхи учителӗ те хутшăнчӗ. Конкурс 9 номинаципе иртрӗ. Патăрьелӗнчи 1-мӗш вăтам шкул вӗрентӱҫисем Путякова Н.А., Гаврилова А.Н., Каллина О.А. «Чи лайăх чăваш чӗлхи урокӗ» («Лучший урок чувашского языка»), «Чи лайăх мастер-класс» («Лучший мастер-класс»), «Чӗреме ачасене парнелетӗп» («Сердце отдаю детям») номинацисен ҫӗнтерӱҫисем пулса тăчӗҫ. Экспертсем асăннă вӗрентекенсен ӗҫӗсене, вӗсем усă куракан технологисене ҫӱллӗ шайра хакланă.
Учительсене малалла та хастар ӗҫлеме ăнăҫу сунатпăр!
Путякова Н.А., Каллина О.А., Гаврилова А.Н.
|