Патǎрьелĕнчи 1-мĕш шкулта пултаруллǎ ачасем нумай. Вĕсенчен пĕри  9»г» класра вĕренекен  Мефодий Галкин. Районта    мĕнле     те  пулин  мероприяти  иртет  пулсан  сцена çинче ǎна Мефодий ертсе пырать. Залри  сумлǎ  çынсем умĕнче тухса  калаçма, хǎйне кирлĕ пек тытма     пултарать вǎл.  Шкулти  пĕр  конкурс  та, мероприяти те     Мефодисĕр иртмест. Районти сǎвǎ  калакансен конкурсĕсенче те вǎл яланах малтисен  хушшинче. Акǎ Марина Карягина, Геннадий Айхи, Раиса Сарпи  çырнǎ  сǎвǎсене калакансен хушшинче                                                                                                                                                                                                            «Звучащее слово» сǎвǎ  конкурсĕнче те  1-мĕш  вырǎнсене  çĕнсе    илчĕ.  Мефодин    артист таланчĕ те лайǎх аталаннǎ. И.Я. Яковлев  çулне  халаласа  чǎваш чĕлхипе литературине вĕрентекен Путякова  Н.А. çырнǎ сценкǎра  Мефодий  Иван Яковлевич  сǎнарне      питĕ ǎста  вылять. Шупашкарта иртнĕ  конкурсра  2-мĕш  вырǎн  йышǎннǎ  сценкǎна лартакансем.

Мефодий ǎста  юрçǎ  та. Уроксем хыççǎн       вǎл  музыка   шкулне çÿрет, унта     вокал  мелĕпе  юрлама  хǎнǎхса                              пырать. Районта,республикǎра иртекен юрặ конкурсĕсенче  призлǎ вырặнсене   йышǎнать. Мефодий      район  пуçлǎхĕн стипендиачĕ. Вǎл  пĕрре те тунǎ çитĕнÿсем  çинче чарǎнса  тǎма шутламасть, çитес конкурссене хутшǎнма хатĕрленет.                                                                                                                                                                                                                                      Солдатова  С.А.