Паян – Пӗтӗм тӗнчери тăван чӗлхе кунӗ. Тăван чӗлхе кунӗнче   2023 çулхи нарăс уйăхĕн 21-мĕшĕнче, поэзине юратакансем, чӗлхене хисеплекенсем, упракансем тата аталантаркансем вун улттăмӗш  хут «Геннадий Айхи ячӗллӗ Ҫӗньялти  пĕтĕмĕшле тĕп пĕлÿ паракан шкулта «Геннади Айхи  вулавĕсем» сăвă конкурсне пухăнчĕç. Кăçал та районти шкулсенчен  конкурса хутшăнакансен йышă пысăк пулни савăнтарчĕ.

Патăрьелĕнчи  пĕтĕмĕшле пĕлÿ паракан пĕрремĕш вăтам шкулта вĕренекенсем те   конкурса хастар хутшăнчĕç. Поэзие кăмăллакансем, хăйсен ăсталăхне кăтартса призерсем пулма тивĕç пулчĕç. Чунтан тухакан сăвă йĕркисемпе итлекенсене савăнтарчĕç, тыткăнларĕç.

Малтисен ретĕнче çаксем пулчĕç: виççĕмĕш вырăна 5 - мĕш класра вĕренекен Каллин Н. тата Васильев Я. (вĕрентÿçи Каллина О.А.) «Çын мĕскершĕн çуралать» сăвва вуласа савăнтарчĕç. Масяева И. 9-мӗш класра вӗренекен (вĕрентÿçи Путякова Н.А.)  Геннади Айхи ҫырнă вырăсла сăвва вуласа виççĕмĕш вырăна çĕнсе илме пултарчĕç. Ачасен пултаруллăхне жюри членĕсем палăртса хăварчĕç. Ăнăçу тата çитĕнÿ сунатпăр çамрăк поэзии ăстисене. Маттур ачасемпе,  вӗрентекенсемпе чунтан савăнатпăр.

Пурне те Тăван чӗлхе кунӗ ячӗпе саламлатпă, ҫӗнӗ утăмсемпе ҫитӗнӱсем тума сунатпăр.

Каллина О.А., чăваш чӗлхипе литературине вӗрентекенӗ.